LOHKANDIPLOMA

Vampyrdihkki

Mimmi guovttos Máhtiin leaba buoremus skihpáraččat. Mimmi orru A-ráidalasfeaskáris ja Máhtte gis B-ráidalasfeaskáris. Soai leaba seamma mánáidgárddis. Ja juohke beaivve stoahkaba sáttokássas. Soai hukseba gávpogiid geainnuiguin ja stobuiguin. Mimmi lea sátnejođiheaddji, ja Máhtte gis lea bensingávppi bálvá. Muhto de fárre Astrid sudno geardestohpui ja bilida visot! Dan maid Mimmi dárbbaša dál, lea buori plána oažžut Máhte ruovttoluotta. Áiggehis ja seammás ođđaáigásaš govvagirji ustitvuođa ja balahahkesvuođa birra … JA VAMPYRDIHKIID BIRRA!

Ommá ja Duommá beaiveruovttus

Ommá ja Duommá ovat voittaneet arpajaisissa hemmottelupäivän kylpylässä. Kylpylän sijasta he menevät vahingossa viereiseen päiväkotiin. Pojat ottavat mutakylpyjä hiekkalaatikossa ja kuntoilevat kiipeilytelineissä. Päivä päiväkodissa onkin verrattoman hauska! Kirjan on kääntänyt pohjoissaameksi kirjailija Kirste Paltto.

Emielle & Emierká

Støvelparet Emielle og Emierká kjeder seg på det mørke lageret hvor de er plassert og blir svært lykkelige den dagen ekpeditøren kommer på lageret og henter dem ut i butikken, og enda gladere når gutten Nijlas kommer til butikken og kjøper dem. Hvor forfær blir ikke han den dagen han oppdager at støvlene kan snakke? Davvisámegillii jorgalan Liv Tone Boine.

Pingviidna Pu

Govvagirji pingviinna Pu birra davvisámegillii. Liekkus mánáidgirji galbma Antárktisa birra, mas leat oanehis teavsttat. Girjjis boahtá ovdan movt pingviinnat ellet ja ovdánit. Sámegillii jorgalan Anders O. Eira.

Prinsa Alit

Prinsa Alit lea ožžon ártegis dávdda. Son lea buot alihin: ¬čalmmit, vuovttat, njuovčča, ja go vel su varra ge lea alit. Dasto vel lea nu ahte son ii gierdda makkárge ivnni, earret … árvidat: na alit. Dan sivas mearrida ge su eadni, dronnet Siánida ahte buot riika galgá málejuvvot alihin. Ii okta ge ruoná lasta galgan leat šat ruoná, ii okta ge lieđđi galgan leat ruoksat, eaige beaivelottit galgan leat fiskat. Eai buohkat gal liikon dása. Beakkán belgialaš čálli Marc de Bel háliida dáinna girjjiin fuomášahttit man dehálaš lea leahkit oskkáldas iežainat, vaikke man nuorra leaččat. Govvadahkki Jan Bosschaert geahččala dás buot lágan alit ivnniid, ja muđuid ge lea herven dán girjji. Girji heive 7 jahkásaččaide, ja vel boarraset mánáide.

Gollegiissás

Gollegiissás lea muitalus Bireha birra, gii vuolgá fiervvá váccažit ja gávdná unna giissáža man siste leat gollit, silbbat ja diamánttat. Áhkku lea sutnje muitalan ja rávven mo galgá láhttet jus gávdná mearrarievddahagaid. Muitágo Biret áhku rávvagiid? Girjji lea Antti Ovlla Juuso herven iežas ivdnás ja cáppa govaiguin.

Ovcci vuomi njolgá

Dát lea "Rukses gahpir" máinnas, muhto dán máidnasis lea gumpe váldopersovdna ja gumpe muitala máidnasa lohkkiide.

Rudy ja Álddagasgobmi

Rudy lea hilbes ja hirbmat hutkás gánddaš guhte lea juohke sajis ii ge biso goassige jaskat. Rudy orru etniin ja áhčiin ovttas. Áhčči bargá Davvimearas ja lea olu eret. Son váillaha áhči. Rudy lea astoáigemánáidgárddis ja dávjá lea somá. Muhto ii fal dalle go lea čoaskkis, arvi, borga ja eará heajos dálki – ja nu lea dávjá! Vuosttaš girji Rudy birra lea go Álddagasgobmi fáhkka falleha su... dahje nu mo eadni dadjá: go Eppy Lepsi finai guossis. Mearkkaša go dát ahte Rudy ii beasa šat goargŋut alimus muoraide? Vai ferte go son oaivesuoji geavahišgoahtit go lea olgun stoahkamin?

Bööh!

Mii geavvá go máná guovttos njulgeba vuovddi čađa ja deaivaba gopmi? Ii dáidde nu mo doaivvut... Gobmegirji. Davvi- ja lullisámegillii.

Juovva

Juovva lea riegádan meara báruin ja mearragátti eallit leat ráhkadan sutnje biktasiid suinniin ja debbuin. Son mearrida várjalit luonddu ja veahkehit ealliid, ja muhtumin eallit maid veahkehit su. Muhto buot eanemus Juovva sávvá alccis skihpára. Dán girjji vehkiin sáhttá ságastallat luonddu suodjaleamis ja das, maid sáhttá ieš dahkat luonddu ovdii.

Tráktoraš mii nu háliidii nohkkat

Tráktor Alex vuolgá vuojašit muossedis ja hávskes mátkái gos dat deaivá ustibiid, geat veahkehit muossánit ja nohkkat njálgát. Lea goalmmát girji nohkkadahtti girjeráiddus. Davvisámegillii Lill Hege Anti.

Elefánttaš mii nu háliidii nohkkat

Elle Elefánttašt manná imašlaš vuovddi čađa nahkáriid oččodit. Váccidettiin oađđinsadjái deaivá iešguđetlágan máinnasoruhiiguin. Lea nubbi girji nohkkadahtti girjeráiddus. Vuosttaš girji ráiddus lea Kaniinnaš mii nu háliidii nohkkat.

Kaniinnaš mii nu háliidii nohkkat

Kalle Kaniidna lea váiban, muhto nahkárat eai rohtte. Dalle mannaba eadni ja Kalle Gávas-eagi lusa oažžut veahki. Son oainnat máhttá buohkaid nohkkadit!

Rágo ja skireáhkku

Girji lea sudno olmmáivuođa birra, movt boarráseappot sáhttet neavvut ja oahpahit nuorabuid, mat eallimis sáhttet šaddat sidjiide dehálažžan. Muohta lea maid oktan dain váldotemáin dán girjjis. Ante-Ovlla Juuso lea govaid tevdnen.

Nammalávlla

Jiekŋaguovža ja su čivga leaba johtimin ábi guvlui. Áiguba bivdit njurjuid, muhto manadettiin dohko láhpii čivga eatnis. Čivga čuorvu eatni, muhto eadni ii gula su. Okto vánddarda muohtamáilmmis. Ii dieđe iežas nama, lihkus dovdá iežas nammalávlaga.

Atrata

Girji lea Atrata birra, mii lea earálágan go eará riipoboran rábbegoppát. Dat lea unni šaddui, skierpmas ja das lea vealse-skuibenjálbmi. Muhtun rábbegoppát lávejit hárdit Atrata. Soames eahkeda galget leat girjjogárjjohallan-riemut. Doppe galgá dat goppá, mas ledje eahkeda čábbaseamos váhtut, válljejuvvot dán geasi prinsan dahje prinseassan. Loga mo manná Atratain girjjogárjjohallan-riemuin!

Gaskaija girjerájus

Oktii lei girjerájus mii lei dušše ihkku rabas... Go mii earát leat losimus nahkáriid siste, de rahpá Gaskaijagirjerájus uvssaid buot idjaelliide.

Čorgenáigi

Eatni mielas ruovttus lea čorgenáigi, muhto áhčči ja Jensa háliideaba mannat vuojadanáldásii. Nagodeabago njáhkat olggos? Girji lea guovttegielat almmuhus. Davvisámegillii jorgalan Ánne Márjá Guttorm.

Biret duoddaris

Dát mánáidgirji lea Bireha birra gii galgá vuolgit áhči mielde duoddarii biebmat ealu. Dasa son illuda sakka, goit dassážii go eadni buktá bivttaslána, ja sihtá Bireha gárvodit.

Bireha gobmi

Bireha gobmi lea heivehuvvon nuoramusaide. Girji lea golmma sámegillii: davvi-, julev- ja lullisámegillii. Sunna Kitti lea sárgon govaid girjái.

Dovddat go Pippi Guhkessuohku?

Mánáidgirji Pippi, Tommy ja Annika birra. Pippi lea somás ja earálágan nieida guhte sáhttá hirpmáhuhttit eatnasiid. Tommys ja Annikas lea hui somá leat suinna fárrolaga. Ingrid Nyman lea sárgon ivdnegovaid dán girjái. Girji heive mánáidgárdái ja smávvaskuvlii. Davvisámegillii jorgalan Per Johannes Marainen.

Mun maid áiggun skuvlii

"Mun maid áiggun skuvlii", lohka Lená gii lea vihtta jagi boaris. Son dahkaluddá ahte sus lea iežas oahpaheaddji. Muhto livččii álkit dahkaluddat jus dieđašii juste movt lea skuvllas. Ja jurddaš, muhtun iđida stuorraviellja Biehtár lohká Lenái: "Doama gárvodit, de beasat mu mielde geahčcat movt skuvllas lea!"

Hurra-Liisá

Stuorra boaris gilvvagárddis gávdná gilvvagárddeáhkku Rosa heađálaš uvllu. Rosa geahččala veahkehit uvllu. Ná son oažžu ođđa ustiba, ja oahppá olu uvlluid gelddolaš ja dehaláš eallima birra, maid son ii leat goassege ovdal diehtán...

Stállu ja guovssahasa bárdni

Dán mánáidgirjjis leat ilgadis govat ja lea imáš ja ruojus muitalus Davila, Gappá ja meahci elliid ja Stálu birra. Stállu áigu šaddat gonagassan davvi guovlluin, muhto gal meahci eallit dihtet ráđi. Sii bivdet Guovssahasa bártni alcceseaset veahkkin. Dát mánáidgirji heive mánáidgárdái ja smávvaskuvlii. Sámegillii jorgalan Elle Márjá Vars.

Mátki guovssahasaid lusa

Eatnis ja áhčis lea álo hoahppu, muhto áddjá gal astá Jorehiin. Sudnos leat olu doaimmat. Soai máleba verráha, muhto de fuobmába seainni maid málet, masa áddjá lea njuohtan goikkisin málakusttaid dáđi mielde go ain geargá juogamainna. Lea šaddan guovssahas. Nu soai málebage badjelii ja badjelii, guovssahasa mielde amas máilbmái.

Finddoža riegádanbeaivi

Sven Nordqvista beakkán mánáidgirji Pettsona ja Findusa birra lea okta mánáidgirjjálašvuođa nana klassihkariin. Jorgalan: Kirsi ja Jan Skoglund Paltto.

Go Finddoš lei unni ja jávkkai

Dál beasat sámegillii lohkat mo geavai go Finddoš lei unni ja bođii Beccona lusa! Muhtun beaivve oainnát dat vulggii dutkat dálu, ja gárttai váttis dillái… Gelddolaš muitalusa mieđuštit Sven Nordqvista govat, main leat nu ollu somás detáljjat, ahte daid ii oba dolkkage geahččamis! Jorgalan: Kirsi Paltto.

Noaide-Liissá

Noaide-Biehtára nieidda, Noaide-Liissá beassá vuolgit Máreha, Jovna ja Ánne lusa, geat leat áhku ja ádjá luhtte geassebotta. Golbma jándora orru son olbmáidis luhtte, ja sis lea hui somá ovttas. Noaide-Liissá mielas lea buot nu imaš, nu stuoris ja balddihahtti sin máilmmis. Vel dálkige lea earalágán go su máilmmis. Liisa Helander lea sárgon dán girjái govaid.

Hálssatanjeakki noaidi

Ilgadis mánáidgirji mánáid birra geat váldoje noaideáhku fáŋgan. Muitalus Hánsa ja Elle birra geat sáhkkitvuođain mannába meahccái, ja váldoba fáŋgan romes noaideáhkkui. Son ii áiggo šat goassege luoitit sudno luovos. Ovdalaččas lea noaideáhkus geatki iežas luhtte, ja dat máhttá hupmat. Ilgadis mánáidgirji mánáid birra geat váldoje noaideáhku fáŋgan. Govaid lea sárgon Merja Aletta Ranttila.

Jokŋanieiddaš

Dát diktagirji, mii lea heivehuvvon mánáidskuvladássái, lea jokŋanieiddaža birra gii orru meahcis ovtta muorjebalssas. Son vuolgá geahčadit máilmmi ja doppe lea olu mii lea várálaš unna nieiddažii. Ii álo leat buoret johtit go orrut. Ivdnás govaid lea Merja Aletta Ranttila sárgon.

Riegádanbeaieppel

Sippe guovttos Sappiin oažžuba eatnis bargun viežžat áddjái eppela riegádanbeaiskeaŋkan stuorra dálu kealláris. Keallára ártegis ássit hirpmástuhttet sudno. Mo geavvá sahpan guoktái ja eppelii gelddolaš matkkis ruoktot? Girjji lea suomagielas jorgalan Inga Guttorm.

Riebančivga

Riebančivga gullá, borra iđitbiepmu ja manná stoahkanšilljui. Čuovo riebančivgga olles beaivi! Girji lea oassi Loga munnje -prošeavtta materialain.

Njoalve Niillas

Dálu bussá Niillas ii leat nugo bussát lávejit leat. Eará bussáthan lávejit sáhpániid bivdit, duhkoraddat ja gakcut muoraide. Muhto Niillas lea láiki - gužžaláiki! Son ii gille báljo ii maidege earágo borrat ja oaddit. Danne buot dálu eará eallit gohcoditge su dušše Njoalve Niillasin, dasa ii liiko Niillas. Son mearrida juoidá barga áššiin. Davvisámegillii jorgalan Tor Magne Berg ja Rolf Olsen.

Ámmul ja alit oarbmaelli

Vuosttaš davvisámegiel mánáidgirji ja nu leage dát girji čállojuvvon boares čállinvuohkái. Muitalus lea Ámmola birra guhte deaivvida gánešiiguin meahcis ja oažžu alit oarbmeali moarsin. Girjjis boahtá ovdan man goabbatlágán, muhto maid man seammalágán máilbmi ja eallin lea gánešiin ja olbmuin. Berit Marit Hætta lea sárgon dán girjái govaid.

Arvedávgeriikii

Mo son ivnniid iežaset luohti lea? Maid Ruoná njurggohaddá? Ja gii son boahtá guossin Fiskada šaddanbeaidoaluide? Dán girjjis beasat fitnat guossis ivnniid máilmmis. Buot ivnnit leat boahtán stuorra mihcámarfestii, go šaddá bajándálki ja orru ahte olles feasta billašuvvá – muhto dasto čielgá, ahte stuorra, Gollečeskes Balvvas leat stuorra plánát ivnniid várás. Maid son sii hutket, ja mii boahtá arvvi maŋŋá?

Mimmi oažžu ádjá

Mimmi ja Roberta mielas lea diet boares gávpeolmmái oba ártet. Soai guorahallaba su gávppis ja oaggunmátkis. Enok lea siivo áddjá ja fáhkkestaga Mimmi fuobmá juoidá; sudnos han ii leat áddjá! Danne jearralage Mimmi Enokas ii go son hálit leat sudno áddjá. Dan gal Enok áinnas háliida. Girji lea jorgaluvvon ruoŧagielas sámegillii Ellen Saitton Burman bokte ja tevdnegiid lea Eva Eriksson ráhkadan.

Buorre idja, Sunnáš

Dát girji lea huvlločivgga Sunná birra, gii liiko girdit. Muitalus dáhpáhuvvá go lea nohkkanáigi. Muhto huvlločivga Sunná ii háliit nohkkat. Son háliida girdit ja vásihit máilmmi. Muhto Sunná láhppo dan gelddolaš mátkkis. Gávdná go Sunná ruoktot, su liegga buori seŋgii?

Namako ja bivdojuolggit

Mánáidgirji čiežajahkásaš Japána-nieidda Namako birra gii niegada ahte lea áhkár, dahje leahkkaguollin, mii vuojada mearas. Rávisolmmožin son šaddá dutkin ja ráhkada čázevuolfatnasa mainna ovttas Fuguin mannaba mearabodnái geahččat jiehtanáhkárá. Gelddolaš girji mearaelliid birra ja mánáid hearvás nieguin mat sáhttet duohtandahkkojuvvot. Kirjan on kääntänyt pohjoissaameksi kirjailija Rauni Magga Lukkari.

Ijastallat

Ándde lea guhká háliidan idjadit olbmás Fredriga luhtte ja dál viimmat eadni suovvá. Ijastallanbeaivi manná hui njozet, go mánáin leat olu hommát ovdalgo lea nohkkanáigi. Idja goitge ii šaddan nu go lei vuordán. Lihkkus eadni ii leat nu guhkkin eret. Girjjis leat oanehis lohkanbihtát ja Anna-Clara Tidholm lea sárgon ivdnás govaid dán girjái.

Gollevuokta

Gollevuokta lea eŋgelas álbmotmáinnas mii lea jorgaluvvon davvisámegillii. Girjjis leat ivdnás govat ja leat biddjon veahkkegiela-mearkkat nu ahte movttiidahttá mánáid ja rávisolbmuid geavahit veahkkegiela go lohket ovttas. Heive ohppiide geat geavahit earenoamášpedagogalaš oahpponeavvuid.

Riebaniid bihpporgáhkut

Áilu hálida láibut bihpporgáhkuid, muhto eadni dadja ahte ferte vuos borrat buot biepmu. Áillus ii leat borranmiella, ja de eai šatta bihpporgáhkut ge. Muhto juovlaruohta fuobmá eadni juoidá. Katja Tapiola lea sárgon govaid girjái.

Cáhcerávgga gazza

Áilu vuoitá balus ja duostá čatnat ustitvuođabáttiid čáhcerávggain, albmerávggain ja jiekŋastáluiguin. Muitalus čatná oktii dološ máidnasa dálá mánáid eallimii vai mánát sáhttet identifiseret iežaset álkibut Áilluin. Gelddolaš muitalus guhkesvuovttat Áillu birra.

Holvolas gufihtar

Jusses lea unnaoappáš. Dán rádjái lea leamaš oalle jaskes mánná muhto de riepmá čierrut, ja ii oba heaittege. Eadni geahččala juohke ládje jeđđet muhto dat ii ávkkut. Áddjá gal jurddašallá ahte jus dat lea lonuhus?

Ristáhči skeaŋka

Sámmol orru gávpogis. Ovtta beaivvi boahta su ristáhčči Piera guossái. Son orru Sámis ja sus lea stuorra báhkka Sámmolii. Muhto manne son Piera logai ahte skeaŋka lea imašlaš...

Jikŋon II

Jietna cuorvu Elsai. Fárrolaga Annain, Kristoffain, Sveniin ja Olafiin vuolgá son davás, mierkká cada, dohko dan báikái gos amas vuordá. Son gávdná odda ustibiid go lea ohcame vástádusaid Arendella gonagasválddi dolos ipmasiid birra, ja iezas geiddolas fámuid birra … muhto vástádusat áitet dál gonagasválddi!

Sarvvameahcci

Dát girji lea ovtta bearraša birra mii galgá fárret. Girjji váldoolmmoš lea oalle balus, muhto čájehuvvo ahte šattai gusto hui somá.

Čiežain čáziin

Pavva fuomáša ohcagoahtit čieža čázi go gullá áhčis morašmielain juoigamin ja dajahallamin dološ luođi. Pavva lea dego earátge su agis, áicá ja čoaggá feara maid go vánddarda ja nu lasiha ain erenoamaš dolggi ja geađggi čoakkáldahkii. Dál go ruovttus lea gullan imaš luođi ja muitalusa de ges čoaggágoahtá čáziid! Gánda guldala dárkilit ja smiehttá maid dološ muitalusat ja luohtedajahusat mearkkašit. Girjji namma vuolgá boares juoiggusdajahusas, muhto sisdoallu lea friija diktemuš. Girji oaččui 2002 jagi Sámiráđi girjjálašvuođa bálkkášumi.

Lohkanfieski 2-4

Girjjážiin leat sihke muitalusažat ja fáktateavsttat. Ođđa deaddileapmi Ánin Dánin Táhppán Siun lohkangirjjážat ođđa namain Lohkanfieski Dássi 2-4. Leat 15 girjjáža golmma dásis. Heivejit 1. ja 2.jahkecehkiide. Nuppi dásis leat oanehis cealkagat ja goalmmát-njealját dásis gis guhkit cealkagat. Lohkangirjjážat leat oassin álgooahpahus oahpporáiddus.

Iiddáš ja Guovssahas

Girjjis lea sáhka viđa jahkásaš nieddážis Iiddás. Son fáhtehallá leukemija borasdávdii, mii lea borasdávda varas. Dáinna dávddan jápmá nieiddáš.

Elle Minná duoddaris

Elle Minná lea ádjá ja áhku lusa jođus muzetčuoivvagiin, muhto de dálkkáska. Mo galgá son dádjadit? Lihkus son deaivá riebana, mii gal diehtá gokko manná máđidja áhku ja ádjá lusa. Vuojidettiin muzetčuoivvagiin čalgá reahka ja dakkár jullá gullogoahtá. Mii máilmmiid dál ges dáhpáhuvva?

Márjá ja Nuortabiegga

Márjjá stuorimus sávaldat lea ahte beassá dahkat muohtaádjáid ja čierastallat su riegádanbeaivvis. Muhto manin ii leat vel dálvi boahtan? De Márja gávnnada imašlaš sivdnadusain, mii namma lea Nuortabiegga. Son dárbbáša Márjjá veahki. Got Marjá máhttit veahkehit Nuortabiekka?

Lilli, áddjá ja guovssahas

Girjjis leat guokte muitalusa guovssahasa birra čadnon ovttas. Lilli áddjá gohčču guovssahasa dajaldagain. Dat erenomáš čuovga guoddá máddariid sieluid ja Lilli oaidná áhku boahtime ráidduin. - Govat čájehit fas muitalusa "Riebana dola".

Lilli, Lávre ja Sáivoálbmot

Áddjá, Lilli, unnavieljaš ja eadni leat láttatjeakkis. Lilli lohpida geahččat unnavieljaža. Muhto de son vajalduhttá su go joatká láddet. Unnavieljaš lea jávkan, ja Lilli ohcagoahtá su. Vieljaš lea deaividan njuvčča, mii leage Sáivoloddi. Ja nu loddi hoigala su čielggi nala ja doalvu eret. Sáivoriika lea bassibáiki gos orrut vuoiŋŋat ja ipmilat. Dat sulastahttá min máilmmi vaikko sáivoálbmot elle eatnama vuolde.

Vilges geađgi

Girji lea viđa jahkásaš Elle birra. Áhkku lea sutnje muitalan Duottarhálddi birra gii orru Rievssataduoddaris. Son oahpásmuvvá Sáijain, gii lea eret Rievssatduoddaris. Ovtta beaivvi bovde Sáija su Rievssatduoddarii. Soai mannaba dohko biekka mielde. Doppe dáhpáhuvvá ollu. Elles lea vilges geađgi maid lea ožžon beštoris. Dat galgá veahkehit su.

Gos lea Muzá?

Bievla lei oađđimin, go amas skoahpa bovttii su. Dat gullui olgun lása duohken. Bievla doamihii geahččat. Njávgu doppe ruohkai lássagárpma. Ja de seavestii su boahtit olggos. – Geahča! dajai Njávgu ja cuigii gárddi guvlui, gos Muzá ja Uvjajuolgi leigga vel eahkedis guođostallan rahtá. – Guorus! lasihii son ja njávggádii ala. – Vuoi issoras! Moai fertejetne dálán vuolgit ohcat sudno. Jos soai eaba leat joavdan vel guhkás. Ohcu vuos luottaid.

Idjastállu

Gilvvágárderavddas orru unna stáloš geas lea namma Idjastállu. Jus mánát nohkket rievttes áigái, čuojaha son magihkkalaš niegadanmusihka sidjiide, vai ođđet bures. Marit Einejord ja Sigbjørn Skåden leaba jorgalan girjji sámegillii.

Ulddageađgi

Iŋgá ja Ánná leaba gránnjážagat ja guođoheaba sávzzaid. Juohke iđida bidjaleaba niestelávkkaid sealgái ja vázzileaba meahccái sávzzaiguin. Muhtin beaivvi vácciiga ovtta geađggi lusa. Ánná gilddii Iŋggá guoskamis geađgái. Doppe lei ulddastohpu gos lei hirpmus čáppa ulddanieida, gii fáluhii áhččái borramušaid, njálgáid ja bumbol- ja silkeliinniide. Girjji teaksta lea sáme- ja dárogillii.

Njoammelhiitta

Njoammelhiitta lea mánáidgirji Martine birra mii ballá vaikko mas. Son lei doivon heaitit ballamis go deavdá 6 jagi, muhto dat ii doallan deaivása. Maŋŋel go ádjá luhtte lei leamaš čakčaluomus de jálosmuvvagođii.

TomArentis lea vuoiŋŋašváddu

TomArent lea áidna olmmoš girjjis geas lohkki beassá diehtit nama. Vaikke lea váldoolmmoš, de eai boađe su jurdagat ja sánit ovdan girjjis. Sus ii leat ipmirdahtti giella. Muhto lihkká son hásttuha earáid sániide ja daguide - ja smiehttamii. Fáddán girjjis lea mo gieđahallat dan go soames lea earálágan go eatnasat.

Searaid fearánat

Divttat govvidit eallima árgabeaivvi fearániid. Soames háve leat bárttit, nu movt muohtastálus, go ribaha rušpenjuni garjái. Eará háve lea olmmoš ges duhtavaš, go gallás buvročovjjiin velohallá vielpá bálddas ja ráfis beassá luoitilit buvrobuoskasa. Ja go nagirčohkka lahkona, de besset mánát, lottážat, skiret ja garjját viimmat nohkkat. Dalle lea buorre diehtit, ahte nástenieida fákte sin.

Mun sáhtán šaddat vaikke manin

Girji lea vuosttas almmuhuvvon Indias eŋgelasgillii, ja leat vuovdán máŋgga riikii. Girjji sisdoalu leat ovttas ráhkadan OM International doaimmahusas. Dán vuosttas girjjis mánáide (6 jagi +) oahpásmuvvat guđa ieš guđet fidnuin. Girjji namma juo muitala ahte niehku boahtte áiggi fidnu birra ii dárbbaš báhcit niehkun. Árjjálaš barggu bokte sáhtát šaddat vaikke manin. Girji álkidit muitala mo sáhtát šaddat doavttirin, oahpaheaddjin dahje koahkkan. Girjjis leat vuogas ivdnejuvvon govat.

Luonddus birget

Breahttaspeallu mánáide mánáidskuvlaagis geat máhttet veahá sámegiela. Sáhttet 2-5 oasseváldi leat ovtta spealus. Ulbmil dáinna spealuin lea oahppat movt luonddus sáhttá birget.

Gealdde gieđaid girdilit!

Irjá ja Ráijá vuolgiba dánsunskuvlii. Dán girjjis muitaluvvo mo lea sutno vuosttas dánsundiibmu ja makkár áššiid soai doppe oahpaba. Doppe gávdaba maiddái ártegis lotti, mii máhttá sutnon hállat. Dán girjji lea čállán Leammuid Biret Rávdná, guhte ieš dánsu ja dát lea su vuosttas mánáidgirji. Girjji logadettiin sáhttát maiddái donge geahčalit dánsestit! Govaid lea sárgon Astrid Kvammen.

Boahttet duddjot!

Jurddagirji duddjoma váste. Vuosttažettiin jurddahuvvon mánáidgárdái ja vuolledássái. Duodjebuđaldeapmi unnimusaide.

Dihkkegirjjáš

Dihkká ja Sikká ja sudno bearraša fearániid bokte beassat suohtas vugiin oahpásnuvvat dihkiid árgabeaivái ja sin hástalusaide. Muitalus heive bures mánáide mánáidgárdeagi rájes bajás. Muitalussii leat vuohkkasit čadnon sihke faktadieđut ja myhtat. Diehtojuohkinoassi lea oaivvilduvvon rávisolbmuide, gos čilgejuvvo movt dikšu ja eastada, gos oažžu veahki ja geasa galgá dieđidhit jus oažžu dihkiid.

Šattut

Girjjis vuolgit lundui oahppat šattuid birra. Oahpa šattuid látiina nama, makker murjjiin lea c-vitamiidna, gos iešguđetlágan šattut šaddet ja manne suorpmat šaddet alidat go čoakkát sarrihiid. Oahpa 19 šattuid nama.

Logut

Ivdnás govvagirji máid sáhttá atnit go galgá oahpahallat loguid 1-100. Das leat maid bihtát main oahppá lasihit, unnidit, geardduhit ja duppalastit.

Stephen Borrough

Govvagirji lea sámi čállingiela álgohistorjá hábmejuvvon muitalus hápmái Stephen Borrough birra, muhtun eaŋgalas olmmái, gii gearahalai dolin Jovkuisiidda lahka Guoládatnjárgii 1557:s go su fanas bieđganii. Doppe son deaivvai Guoládat sápmelaččaid lusa, ja orui sin luhtte muhtun áigge. Stephenis lei papegeijja masa sámi mánát oahpahadde sámegiela. Orodettiin sápmelaččaid luhtte Stephen čáli sátnelistta mas ledje 95 sámegiel- ja eŋgalas sáni. Gelencsér Dániel lea sárgon govaid.

Vulgot Iŋgá Kárine mielde ealu lusa

Mii čuovvut Buljo bearraša measta olles jagi boazobargguid siste. Dán girjjis oaidnit movt giđđat johtet ealuiguin, miessemearkuma, suidnema, navildeami ja movt sisttiid dikšot, ja oahpásmuvvat sámi árbevirolaš biebmodábiide.

Imašlaš gomuvuohta

Leatgo imaŠtan manne mánnu cuovgá dusse muhtumin, manne guovssahasas leat mánga ivnni, manne beaivvás lea báhkas, ja mas diehtit mii násttiid lea mii? Imaslas guomuvuohta lea mánáid govvafágagirji, mas leat diedut teavstta ja gova bokte. Lassin leat jietnafiilan lávlagat, luohti, hoahkan dahje máinnas.

Liikostan dáidagii!

Dáiddagirji mánáide ja diehtoángiris rávvásiidda. Bures boahtin sisa geahččat dáidda! Dappe leat távvalat, báccit ja mearkkalaš diŋggat ja vel juoga nu árgabeaiválaš go lihttebassan borsta.

Miesážis rávis boazun

Maid borrá boazu? Manne leat muhtun bohccuin čoarvvit ja earáin eai? Dán fágagirjjis mii čuovvut gabbamiesáža vuosttaš eallinjagis: maid dat vásiha ja bargá, gos eallá, maid borrá jna. Girji lea ollislaččat govvagirjin oktan teavsttain mas lea čoahkkáigessojuvvon faktateaksta ja sátnečilgehusat.

Áppes : min meahci máidnasat

Vuosttaš luohkkái oahppogirji lohkama ja čállima várás. Dáinna girjjiin galget oahppit oahppat bustávaid ja das leat sihke oanehit ja guhkebuš lohkanbihtát juohke bustáva nammii. Olu teavsttain leat sánit juhkkojuvvon stávvaliidda. Girjjis leat olu ivdnás ja sámi mállet govat. Dán girjái leat maid ráhkaduvvon guokte bargogirjji; Bargogirji čakčii ja Bargogirji giđđii.

Áhčči min

Govvagirji "Áhčči min" rohkosas.

Vahkkosánit

Vahkkosánit spealus leat 144 koartta. Vahkkosánit spealu bokte sáhttá buoridit giellariggodaga, ja nannet máná giela, veahkehit muitit jietnadagaid ja sániid, ja nannet skuvvla giellaoahpahusa. Sáhttá geavahuvvot sámegiela álgooahpahusas.

Gárdun

Leatgo don goassige leamašan mielde gárdumin? Dieðátgo mii gárdun, árbevirolaš rievssatbivdovuohki lea? Girjjis leat maiddái miellagiddevaš govat ja buorre málestanráva rievssatbirgui.

Logut 1-10

Logut 1-10 lea jurddašuvvon matematihka álgooahpahussii, muhto heive maid erenoamašoahpahussii ja mánáidgárdái. Spiralgihppa mas hárjehallat ja oahppat loguid ja lohkomeriid 1-10 rádjai.

Muorjedievvá 1

Muorjedievvá 1 lea eatnigiela hárjehusgirji, mii lea oaivvilduvvon lassemateriálan giela oahpahussii, sierra oahpahussii ja giellalávgunoahpahussii. Dan ulbmilin lea lasihit máná sátneráju, doarjut su muitalanmáhtu ja leat veahkkin ovddideame namahandáidduid. Hárjehusgirji lea oaivvilduvvon 5-10 –jahkásaš mánáide. Go vállje vuohkkasit, de materiála sáhttá geavahit maiddái eará ahkejoavkkuide. Materiálii gullá gihppaga lassin govvamáhppa. Girjji almmustahtti lea oahppan- ja oahpistanguovddáš Mikael-skuvla, ja sámediggi juohká dán materiála nuvttá sámeoahpahussii Suomas. Lassedieđuid dán materiálas gávnnat čujuhusas: www.valteri.fi

Muorjedievvá 2

Gielalaš dáidduid ovdáneapmi lea dehálaš oaddi máná šaddamis. Muorjedievvá -materiála ulbmilin lea lasihit máná sátneráju, veahkehit ovddidit namahandáidduid ja doarjut dárkilvuođa sihke muitodoaimmaid ovdáneami. Dán materiálii gullet maid ivdnás kartoŋgii prentejuvvon govvatávvalat. Lassedieđut materiála birra čujuhusas: www.valteri.fi Johanna Kiiski, Laura Pursiainen, sámás jorgalan Jaana Ruokolainen: Oppimis- ja ohjauskeskus Mikael-koulu 2018 Muorjedievvá 2: Namat – fuopmáš – muitte – riggut sátneráju

Meahccái

Dán girjjis leat šattuid ja elliid namat, daid maid olmmoš sáhttá deaivat/oaidnit go lea vuovddis. Girjjis evttohuvvojit stohkosat mat heivejit olgun, ja rávvagat borramušaid birra maid sáhttá ráhkadit šattuid ja murjjiin.

Irina ja sávzzat

Irina ja sávzzat lea mánáidgirji mas lea sihke davvisámegiel- ja dárogielteaksta. Dán girjji lea álki lohkat ja lea mearrasámiid ja smávvadállodoalu birra mas oahppat sávzadoalu ja masa sávza aniha. Girji heive mánáidgárdái ja mánáidskuvlii.

Sánit labyrinttas

Bircospeallu mas oahppit spellet ovttas, sirddidettiin johtinboaluid dulbosa alde. Jus spealadettiin deaivá bisánit ruktui mas lea sátni, de galgá sirdit ruktui mas lea govvá mii heive sátnái. Ja jus bisána ruktui mas lea govvá, de galgá sirdit ruktui mas lea sátni mii heive govvii. Leat ráhkaduvvon 3 iešguđetlágan speallun mas guđesge leat 6 speallandulbosa.

Mánáid luovvalas dánsun

Dán girjji heive geavahit earet eará mánáidgárddis, mánáidskuvlla vuolimus cehkiin, earenoamášoahpahusas ja asttoáiggedoaimmain. Girjjis leat dánsunhárjehusat maid bokte mánát besset dánsut, lihkadit, stoahkat, tevdnet, čállit, máinnastit ja juoigat. Girjjis leat mielddusin DVD mas leat rávafilmmažat ja musihkka, ja sierra CD mas lea hárjehusaide gullevaš musihkka.

Iŋggá meahccevázzin

Mii čuovvolit Iŋggá vuodemátkái. Son liiko lohkat. Vuovddis gávdná logi diŋgga iešguđetlágán ivnniiguin. Daid son lohka.

Fievrrut

Govvagirji davvisámegillii, julevsámegillii ja oarjelsámegillii, mas leat veahkkegiela mearkkat. Girji lea fievrruid birra ja heive buoremusat álgooahpahussii. (Erenoamášoahpahus, earenoamášpedagogihkka)

Juohkehaččas lea árvu

Lea somá go olbmot leat iešguđetláganat! Dán girjjis, mas olbmot guđaidit valvin, beasat lohkat olbmuid, lohkat maid sii barget, árpmoštallat sin ja lohkat mo sin eallimat čuhcet guhtet guoibmáseaset. Dás leat olu unnit eanet čiegusvuođat fuomášan láhkai sutnje, gii lea sáhkkii ja čalbmeš. Ja jus geahčažat erenoamáš dárkilit, de dáiddát fuomášit vel iežat ge dáppe!

Áhčči ii háliidan šat eallit

Piera jurdagiid maŋŋil go su áhčči lea jápmán. Piera lea vihtta ja bealle jagi boaris go dat dáhpáhuvai. Buot lea nu go láve - ja seammas lea áibbas earáládje. Girjji loahpageahčen leat rávvagat ollesolbmuide, mo berre mánáiguin hupmat jápmima birra, earenoamážit iešsorbmendáhpáhusaid birra.

Vulgot Ingrid, Juhána ja gusa lusa

Álkeslohkangirji mánáide mas leat olu govat gusaid ja návetdoalu birra. Dán girjjis oahppat gos ja movt mii oažžut mielkki, maid mielkkis sáhttá ráhkadit ja makkár barggut leat návehis.

Májsá - oasálaš beana

Májsá lea lihkolaš beana mii ovttas eaiggádin vásiha olu ovttas beaivvis. Girji lea čállojuvvon Skániid-suopmana mielde ja dárogillii. Girjjis leat olu ivdnegovat ja oanehis lohkanbinnát.

Oahpa sániid

Govvasátnegirji Oahpa sániid lea heivehuvvon jorgalus Matti Morottaja anárašgielat oahppagirjjis “Oopâ saanijd”. Dán govvasátnegirjái leat čohkkejuvvon davvisámegiela guovddášsánit fáttáid mielde. Govvejuvvon sánit leat sullii 500, eanáš oassi dain leat nomenat. Vearbbat ja eará dakkár sánit, maid ádden govaid mielde sáhttá leat váttis, leat lasihuvvon girjji lohppii sátnelistui.

Rumaš

Mii dáhpáhuvvá go mun gasttán? Mii lea allergiija? Mo šadden mun munin? Mánát hálidit diehtit olu rupmaša birra. Dávja lea rávisolbmuide váttis visot rumašgažaldagaide gávdnat vástádusaid. Dát girji lea 1983 rájes, dan rájes go vuohččan deaddeluvvui, leamaš buorre veahkki vástidit diehtoáŋgiris mánáid gažaldagaide.

Eallit ja lottit

Dáinna girjjiin ohppet mánát ja nuorat dovdat 10 ealli ja 12 lotti. Girjjis leat muitalusat ja faktateavsttat elliid ja lottiid birra.

Baháneahkkánis bustávat

Girji lea baháneahkkánis bustávaid birra. Juohke bustávas lea iežas hápmi ja jietna. Muhttin bustávaid lea álki čállit, ja earáid váddásit. Muhttin bustávain lea siivus jietna ja earáin bahás jietna.. H ja r sáhttiba baldit jus mannaba oktii ja álgiba harrat: Hrr!. Guokte a a biehttaleaba. Muhttin bustávat sáhttet ráhkadit hirbmat eallima ja earát fas leat hui jaskkadat. Girji lea jurddašuvvon lohkan- ja cuoigungirjin smávit mánáide geat leat beroštišgoahtán jienain ja bustávain.

Juoŋasteapmi

Beazedieva mánáidgárddi nubbi girji ráiddus Árbevirolaš barggut mánáidgárddis. Vuolgit mánáidgárddi mielde juoŋastit. Ivdnás govat ja čilgehusat muitalit mo galga juoŋastit ja maid dárbbaša juoŋasteapmái. Girji lea fágaidrasttideaddji ja heive fáddáoahpahussii.