Lohkandiploma sáhttá čađahit juohke jagi ja juohke luohkkádásis.
Ulbmil lea ahte juohke jagi lohkkojuvvojit guhtta (6) girjji. Dábálaččat oahpaheaddji vállje daid bargobihtáid, maid oahppi ferte lohkandiplomii dahkat. Evttohusat bargobihttán leat dán máhpas. Go oahppi lea visot guhtta girjji lohkan ja oahpaheaddji lea bargobihtáid dárkkistan, fitne oahppi lohkandiploma. Lohkandiploma gávnnat dán máhpas.
Girjerádjosiin oažžu veahki girjjiid ohcamis, várremis ja
gáiddusluoikkaheamis. Muhtin sámegielat girjjit gávdnojit maiddái
jietnagirjin, daid gánneha jearrat iežas girjerádjosis.
Celia-jietnagirjjiid maid sáhttá jearrat girjerádjosiin ja ohcat čujuhusas:
www.celianet.fi
Girjjit leat juhkkojuvvon ahkeluohkáid mielde. Lassin leat mielde eará girjelisttut, dego girjelistu unna mánážiidda ja muitalusat-listu. Unná mánážiid listu lea daid várás, geat eai ieža máhte lohkat. Muitalusat-listtus sáhttá válljet lohkamuša buot ahkeluohkáid mánáide. Oahpaheaddji gánneha vuosttamužžan válljet iežas luohká ahkásaččaid listtus girjjiid, muhto lohkamuša sáhttá maid válljet oahppi lohkandási mielde.
Juohke girjelisttu álggus gávnnat dárkilit rávvagiid lohkandiploma čađaheapmái. Oahppi sáhttá doallat lohkanbeaivegirjji, masa dahká lohkandiploma bargobihtáid dahje čállá girjeárvvoštallama ja jurdagiid iešguđetge girjji birra. Girjjiid birra lea somá maid ságastallat ovttas.
Deaháleamos lohkandiplomas lea lohkanmokta!
Bonusdiploma lea oaivvilduvvon sidjiide, geat leat juo lohkandiploma čađahan ja háliidit lohkat lasi.
Lohkandiplomii sáhttá addit máhcahaga ja lasi jearrat čujuhusas:
lappi-osasto.kirjasto@rovaniemi.fi
Geahča maid www.virtualafierbmi.fi – Loga, geahča, guldal sámegillii!