Anarâš-lostâ lii Anarâškielâ seervi jeessânlostâ. Tot lii áinoo aanaarkielâlâš lostâ mailmist, mut meiddei áinoo sämikielâlâš lostâ ubâ Suomâst, ko Sápmelaš-lostâ jooskâi almostuumist. Lostâ almostuvá kuulmâst viiđâ räi ivveest, main ohtâ nummeer lii kalender. Teddi­lem­meeri lii 500 pittád já lostâ vuolgâttuvvoo Suomâ lasseen Japanin, Amerikân, Kanadan, Sääksin, Hollandin, Ruotân já Taažân. Loostâst láá meiddei maaŋgah orjâlâšlohheeh. Tast láá äigikyevdilis ääših, novelleh, mainâseh, jotkâmuštâlusah sehe párnái já nuorâi ääših. Puoh numereh láá ivnenumereh. Anarâš-loostâ lii aalgâ rääjist toimâttâm Uccpárnáá Vuoli Ilmar (Ilmari Mattus). Loostâ nubben toimâtteijen lii tai ivij lamaš Kuobžâ-Saammâl Maati Petter (Petter Morotta­ja) já máccumist västidává Vuoli Ilmar Anssi (Anssi Mattus) já Pekka Pirinen.

Loommum meeci mainâseh, tiivtah já muštâlusah tuálvuh tuu luándun. “Lumottu metsä” -kirje lii jurgâlâm anarâškielân Ilmari Mattus. Toimâttâskodde: Päivi Heikkilä-Halttunen, Tittamari Marttinen, Timo Parvela já Laura Voipio Koveh: Taru Castrén, Kristiina Louhi, Christel Rönns já Virpi Talvitie.

Kirje čällee Kuobžā-Saammāl Hanssā lii šoddām 1935. Tallaa ääigi ulmuuh maināstillii ennuv jyehimuđušijn fiäránijn já suámálijn persovnijn. Taid maināsijd Hanssā lii halidām vuorkkiđ täin kirjijn amas toh vájálduđ já lappuđ aaibās.

Čälleeh láá ohtsis 14 já äigikoskâ, mast antologia maainâst, lii 500 ihheed.

Tarinat on valittu kirjasta Inarinlappalaista kansantietoutta, A.V.Koskimies 1886. Sisältää 26 kertomusta ja tarinaa.

Luuhamkirje čohčâ lii anarâš uáppeid uáivildum nube luoka luuhâmkirje. Hitruus mainâseh já ivnáás koveh jođetteh lohheid maaŋgâlágánáid fiäránáid. Virkkuuvääri-ráidun kulá meiddei kiđđâuási já hárjuttâskirjeh čoovčâ já kiiđâ várás.

Čuágáldâh tuálá sistestis Siperia smaavâ aalmugij mainâsijd, moh láá vuálgus maaŋgâin Ruošâst olgosadelum siperialâšmainâsčuágálduvâin. Kirsti Siraste lii valjim, toimâttâm já jurgâlâm suomâkielân, anarâškielân jurgâlâm Iisakki Mattus.